2 миллиард теңге жымқырған: Риддер қаласының бұрынғы әкімі сотталды

Шығыс Қазақстанда Риддер қаласының бұрынғы әкімі Даулет Батырбаевқа 2 миллиард теңге мемлекет қаржысын жымқырғаны үшін 8 жылға сотталды, – деп хабарлайды janabastau.kz  ақпарат агенттігі Aikyn.kz порталына сілтеп. 

Әкіммен бірге тағы екі адам да жауапқа тартылды.

Соттың анықтауынша, олар Өскемен мен Семей қалаларындағы көше шамдарын жаңарту жобасына қатысқан. Алайда бұл жұмыс барысында жалған құжаттар рәсімдеп, жұмыстардың құнын асырып көрсетіп, бөлінген қаржыны иемденіп отырған.

20222023 жылдар аралығында бірнеше айдың ішінде олар осылайша ірі көлемде қаражат ұрлаған. Айыпталушылардың бірі қылмысты ашуға көмектескен. Бұл жайт сотта жазаны жеңілдететін мән-жай ретінде есепке алынды.