11-сынып оқушысы мектеп директорын атып өлтірді

Стамбұл қаласындағы Final Academy Эйюпсултан мектебінде қайғылы оқиға орын алды, деп хабарлайды janabastau.kz сайты, El.kz ақпарат агенттігіне сілтеме жасап.

11-сынып оқушысы 2023 жылдың соңында тәртібінің нашарлығынан мектептен шығарылған. Бірнеше айды араға салып оқушы бұрынғы мектебіне келіп, директорды  кабинетінде бес рет атып өлтірген.

Оқиға орнында ауыр жараланған 74 жастағы директор ауруханаға жеткізілгенімен көп ұзамай қайтыс болды. Бірнеше сағаттан кейін ұсталған 17 жастағы оқушы Түркияда оқитын Ирак азаматы екен. Ауыр қылмыс жасаған жасөспірім қамауға алынды.

Тергеу кезінде ол өзін мектептен қуған директорды аяғынан жаралап қорқытпақ болғанын айтқан.