25 млн теңгеге пара алды деген күдікпен Ертіс орманы басшысы ұсталды
Жаңалықтар
59
59
Павлодар облысы бойынша орман шаруашылығын қорғау саласындағы жүйелі жемқорлықты анықтау шеңберінде Сыбайлас жемқорлыққа қарсы қызмет прокуратураның үйлестіруімен «Ертіс Орманы» Мемлекеттік орман табиғи резерватының (Резерват) басшысы тарапынан пара алу фактілерін анықтады, деп хабарлайды janabastau.kz.
Ол кәсіпкерлерге іскерлік орманды заңсыз кескені және сатқаны үшін пара алудың қылмыстық схемасын ұйымдастырғаны анықталды. Биылғы 26 қаңтарында тергеу сотының санкциясымен Резерват басшысы 2 ай мерзімге қамауға алынды. Сондай-ақ, Резерваттың 5 бухгалтеріне қатысты сотқа дейінгі тергеу жүргізілуде, олар 2021-2023 жылдар аралығында өздерінің карточкалық шоттарына, сондай-ақ мекеменің жұмыс істеп тұрған және бұрынғы қызметкерлерінің шоттарына жалақыны есептеу және аудару арқылы 25 млн теңге сомасында аса ірі мөлшерде бюджет қаражатын жымқырған.
Келтірілген материалдық залал ішінара өтелді. Тергеу жалғасуда. Қылмыстық-процестік кодексінің 201-бабына сәйкес өзге ақпарат жария етуге жатпайды. Конституцияның 77-бабы 3-тармағының 1-тармақшасына және Қылмыстық-процестік кодексінің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі, - деп хабарлады Антикор.
Пікірлер (1)
Из перепистки родителей: <b>ВОПРОС:</b> Добрый день. Знаком кому хороший канал какой-нибудь в соцсетях для полезного чтения ребёнку до 9-ти лет? Заранее, благодарю за предложения. <b>ОТВЕТ:</b> Привет всем! Воспитатель племянника хвалит канал в телеграм: https://t.me/+q8Bzua3PAthmNmJi <a href=https://xn--80adb2aqcedv1i.xn--p1ai/>Франшиза по химчистке мебели</a>