Бүкіләкүлемдік тазалық күні — World Cleanup Day қарсаңында елімізде ауқымды экологиялық науқан өтеді.

Мемлекет басшысының бастамасымен қолға алынған «Таза Қазақстан» жалпыұлттық экологиялық акциясы аясында 19 қыркүйек күні бүкіл ел бойынша World Cleanup Day акциясы ұйымдастырылады. Бұл күні Ақмола облысының барлық аудандары мен қалаларында тұрғындар бір мезгілде тазалық жұмыстарына шығып, туған өңірді абаттандыруға өз үлестерін қосады.

Ақмолалық тұрғындарды, еріктілерді, жастар мен барлық ұжымдарды осы маңызды шараға белсенді қатысып, табиғатты қорғауға және қоршаған ортаға ұқыпты қарау мәдениетін қалыптастыруға шақырамыз!