Ойын бизнесі субъектілерімен белсенді жұмыс жүргізіліп жатыр

15.02.24 сағат 11:55 Жаңалықтар

Алқа отырысында Ермек Маржықпаев ойын бизнесі мен лотерея қызметін реттеу мәселесіне де тоқталып өтті,-деп хабарлайды janabastau.kz ведомствоның баспасөз қызметіне сілтеме жасап.

«Ойын бизнесі субъектілерімен белсенді жұмыс жүргізілуде, заңсыз ойын автоматтарының залдары жабылуда. Мәселен, «Кибернадзор» ақпараттық жүйесі арқылы онлайн-казино, заңсыз букмекерлік кеңсе сипаттындағы немесе оларды жарнамалаушы 4,5 мың интернет-ресурстар мен сілтемелер блокталды. Бұдан бөлек Telegram және WhatsApp мессенджерлерінде чат-бот іске қосылған. Ол арқылы азаматтар ойын бизнесі және лотерея субъектілерінің қызметіндегі бұзушылықтар туралы хабарлай алады. Бүгінгі таңда келіп түскен 150-ден астам өтініш қаралуда», - деді министр.