«Қазақ қыздарына үйленіп, демографияны көтерейік»: Қытай азаматы жұрттың ашуын тудырды

Желіде Қытай азаматының қазақ қыздарына қатысты даулы мәлімдемесі тарады, деп хабарлайды janabastau.kz ақпарат агенттігі Skifnews.kz порталына сілтеп. 

Әлеуметтік желілерде қытай тіліндегі видеоны қазақ тіліне аударған қолданушылар оның мазмұнын ашық түрде талқылап жатыр. Видеода Қытай азаматы қазақ қыздарына көз тігіп, оларды өз еліне “алып кету” туралы ашық айтады. Оның айтуынша, бұл қадам – Қытайда қалыптасқан неке дағдарысын шешудің тиімді жолы.

Шетел азаматы қыздарды тауар ретінде сипаттап, “қазақ әйелдерін пайдалану – демографияны жақсартуға көмектеседі” деген пікір білдіреді. Ол тіпті Орталық Азия әйелдерін “қол жетімді әрі лайықты таңдау” деп атап, бұл ойын қалыпты әрі ақталған қадам ретінде жеткізеді.

Бұл мәлімдеме қазақстандықтардың ашуын туғызды.