Трамп: АҚШ Украинаға әскер жібермейді

АҚШ президенті Дональд Трамп Украинаға қауіпсіздік кепілдігінің бір бөлігі ретінде америкалық әскер жібермейтінін мәлімдеді, деп JANABASTAU.KZ ақпарат агенттігі хабарлайды

Fox News арнасына берген сұхбатында Трамп: «Америкалық әскерлердің Украина жерінде болуы қарастырылмайды. Біз ешқашан «boots on the ground» дегенге бармаймыз», – деді.

Сонымен қатар ол Вашингтонның қолдау форматы тек әуе арқылы жүзеге асуы мүмкін екенін айтты. «АҚШ-тың ауадан белгілі бір рөл атқаруы ықтимал, бірақ бұл әскер жіберумен тең емес», – деп атап өтті Трамп.

Осылайша Ақ үй басшысы Киевке тікелей әскери контингент бөлуге қарсы шықты. Оның айтуынша, АҚШ-тың басты міндеті – қақтығыстың ушығуын тоқтатып, адам шығынын азайту.