Адам құқықтары – конституциялық қорғаудың негізі

Жаңа Конституцияда адам құқықтары мен бостандықтарын қорғауға бағытталған нормаларға ерекше мән берілген.

Олардың қатарында кінәсіздік презумпциясы, заңның кері күшіне жол бермеу, жеке өмірге қол сұқпаушылық, хат-хабар мен телефон арқылы сөйлесулердің құпиялылығы, тұрғын үйге қол сұқпаушылық сияқты кепілдіктер бар.

Сонымен бірге азаматқа мемлекеттік органдардың заңсыз әрекеттерінен келтірілген зиянды мемлекет есебінен өтеу құқығы бекітіледі.

Ақмола облысындағы нақты мысал ретінде Көкшетаудағы «Халық заңгері» акциясын атап өтуге болады. Іс-шара барысында тұрғындар заңгерлерден тегін кеңес алып, өздерінің құқықтары мен заңды мүдделеріне қатысты сұрақтарына жауап алды.

Бұл құқықтық нормалардың күнделікті өмірдегі маңызын көрсетеді: азамат өз құқығын білуге, оны қорғауға және заңда белгіленген тәртіппен көмек алуға мүмкіндік алады.