Қазақстанда 9 түрлі әлеуметтік маңызы бар азық-түлік тауарларының бағасы төмендеді

21 қыркүйекте Ұлттық статистика бюросы хабарлағандай, әлеуметтік маңызы бар азық-түлік тауарларының баға индексі өткен апта ішінде 0,1%-ға төмендеді, ал жылдық мәнде 6%-ға өскен. Бәрінен пияз (3,4%) бен картоп (2,1%) құны айтарылқтай арзандады. Сондай-ақ 0,5%-ға қарақұмық пен қырыққабаттың бағасы төмендеген. Керісінше, жұмыртқа (+0,9%), күріш  (+0,5%), тұз (+0,3%), тауық еті (+0,3%) бағалары қымбаттаған. Сондай-ақ сиыр еті, сары май, айран, ірімшік бағасы да көтерілді. Өткен аптада ет, күріш, жұмыртқа бағасы қымбаттап жатқаны хабарланған.