Қазақстанда көлік салығы кімдер үшін жеңілдетіледі?

13.09.23 сағат 03:03 Жаңалықтар

118

Қазақстандағы көлік салығы бензиннің акциз құнына қосу арқылы жойылуы мүмкін. Бұл туралы Ұлттық экономика вице-министрі Азамат Әмірин айтты, - деп хабарлайды janabastau.kz тілшісі Tengrinews.kz сілтеме жасап. Вице-министрдің айтуынша, бұл мәселе бүгін жаңа Салық кодексін қарау аясында талқыланып жатыр.

"Шынында да, көлік салығын бензиннің акциз құнына ауыстыру мүмкіндігі талқыланып жатыр. Бірақ мұнда мұқият болу керек, сондықтан біз оны саралаймыз. Көлік салығын талқылау ретінде қозғалтқыш көлемі төрт литрге дейін немесе 3,5-ке дейінгі автомобильдер үшін жою жоспарда бар. Қазір қосымша есептеу жүргізіп жатырмыз. Біз шамамен 80 миллиард теңге көлік салығын, шамамен бес миллион тонна мұнай өнімдерін жинаймыз. Егер біреуін екіншісіне бөлгенде, нәтижесі 14 теңгеге қымбаттаса, көлік салығын бензиннің акцизге ауыстыру арқылы салық құнын шығара аламыз", - деді Әмірин.

Сонымен қатар, вице-министрдің сөзінше, мұндай қадам арқылы қозғалтқышы үлкен көлік құралдарының иелеріне жүктеме төмендеп, керісінше шағын көлемді көліктердің иелері үшін ұлғаяды. Осыған байланысты басқа нұсқалар да талқыланады.

"Мысалы, қозғалтқыш көлемі 1,6 литр болатын көлікті алайық - шағын Hyundai Accent - жылдық салығы шамамен 7 мың теңге, ал көлік салығы шамамен 700 мың теңге болатын Lexus 570 алайық. Тиісінше, шағын көліктің салықты өтеу үшін бензинді көп тұтынуы керек. Егер біз бензиннің құнын 14 теңгеге көтерсек, онда көлік салығына бір жылда 30 мың теңге төлейді. Ал қозғалтқышы үлкен көліктің салығы бензин арқылы шамамен 300-350 мыңға жетеді. Сондықтан, бензинге көлік салығын аудару арқылы біз үлкен көліктері бар адамдарға жүктемені азайтамыз", - деді шенеунік.