НДС (ҚҚС) мөлшерлемесінің көтерілуі: түзетулер Парламентке енгізілді

Қазақстан Республикасы Парламентінің Мәжілісіне Салық кодексіне түзетулер енгізу туралы жоба ұсынылды. Бұл ақпаратты JANABASTAU.KZ ақпарат агенттігі тілшісіне Ұлттық экономика министрлігі растады.

Салық кодексіне енгізілген түзетулер:

1. ҚҚС бойынша міндетті тіркеу шегін төмендету:

   • Бұрын: 20 000 АЕК (78,6 млн теңге)

   • Жаңа шек: 3 800 АЕК (15 млн теңге)

2. ҚҚС мөлшерлемесін өзгерту:

   • ҚҚС ставкасы 12%-дан 16%-ға дейін көтерілді.

   • Белгілі бір салалар үшін төмендетілген 10%-дық ставка енгізілді.

3. Арнайы салықтық режимдерді өзгерту:

   • Оңайлатылған декларация негізінде арнайы салық режимін тек B2C сегментіне қолдану.

Бұл түзетулер Мәжіліс депутаттарының қарауына жіберілді. Түзетулер палатаның пленарлық отырыстарында екі оқылымда талқыланады. Егер Парламент мақұлдаса, олар әрі қарай Сенаттың қарауына жіберіледі. Одан кейін заңды Мемлекет басшысы бекітуі тиіс.

Жаңа салық реформасының ерекшеліктері:

• Бұрын ҚҚС мөлшерлемесін 20%-ға дейін көтеру ұсынылған болатын. Алайда Президенттің пікірінен кейін дифференциалды мөлшерлемені қарастыру шешімі қабылданды:

  • 16%

  • 10%

  • 0% (белгілі бір жағдайларда)

• ҚҚС мөлшерлемесін 20%-ға дейін көтеру нұсқасы әлеуметтік төлемдерден босату арқылы теңестірілмек болған еді. Яғни, әлеуметтік салық пен жұмыс берушінің міндетті зейнетақы жарнасын (ЖМЗЖ) алып тастау ұсынылған болатын.

• Алайда ҚҚС 16% деңгейінде сақталғандықтан, әлеуметтік салық пен ЖМЗЖ-ны жою жоспардан алынып тасталды.

Күшіне ену мерзімі:

Егер ұсынылған өзгерістер қабылданса, олар 2026 жылғы 1 қаңтардан бастап күшіне енеді.