Несие алған адамға банктің бір тәулікте неше рет қоңырау шалуына рұқсат?

Қаржы нарығын реттеу және дамыту агенттігі банк қызметтерін көрсетудің жаңартылған ережелерінің жобасын әзірледі, деп хабарлайды janabastau.kz тілшісі informburo.kz сілтеме жасап.  Қаржы нарығын реттеу және дамыту агенттігі қарыздарды өндіріп алу кезінде банк қызметкерлері мен қарыз алушылар арасындағы өзара әрекеттесу тәртібін белгілеуді жоспарлап отыр. Қаржы нарығын реттеу және дамыту агенттігі банк қызметтерін көрсетудің жаңартылған ережелерінің жобасын әзірледі. Құжат "Ашық НҚА" порталында  жарияланған. Атап айтқанда, түзетулер мерзімі өткен несие берешегін өндіріп алу кезінде банк қызметкерлері мен қарыз алушының өзара іс-қимыл тәртібін белгілейді. Бұрын бұл тәртіп коллекторлар үшін ғана заңмен белгіленген. Ереже жобасына сәйкес банктің мерзімі өткен берешегі бар қарыз алушымен өзара іс-қимылы: ➤ қарыз алушының тұрғылықты жері немесе орналасқан жері бойынша жұмыс күндері сағат 8.00-ден 21.00-ге дейінгі кезеңде; ➤ қарыз алушының тұрғылықты жері немесе орналасқан жері бойынша банктің бастамасы бойынша жеке байланыс арқылы аптасына үш реттен көп емес және жұмыс күндері сағат 8.00-ден 21.00-ге дейінгі кезеңде бір реттен жиі емес; ➤ банктің бастамасы бойынша телефон арқылы сөйлесу арқылы жұмыс күндері сағат 8.00-ден 21.00-ге дейінгі кезеңде үш реттен көп емес; ➤ дыбыс жазбасы бар аудио немесе бейне жабдығын пайдалана отырып, өзара әрекеттесу процесін жазу. Сонымен қатар, құжатта жарнамалық банктік қызметтерге қойылатын жаңа талаптар нақтыланды. Қаржы реттеушісі несиелерді жарнамалау кезінде ең жоғары сыйақы мөлшерлемелерінің ауқымын көрсетуді, сондай-ақ борышкерлердің несиелік міндеттемелерін орындамаған жағдайда жауапкершілігі туралы хабардар етуді ұсынады.