Нұрлан Әуесбаев: Жаңа Конституцияда отбасы мен бала құқығы қорғалады
22
Фотосурет: видеодан скриншот
Жаңа Конституцияда отбасы мен бала құқығы қорғалады. Бұл туралы Нұрлан Әуесбаев мәлімдеді, деп хабарлайды JANABASTAU.KZ ақпарат агенттігі.
Жалпыұлттық социал-демократиялық партиясының мүшесі Нұрлан Әуесбаевтың айтуынша, Ата Заңда отбасы мен неке ұғымдарының нақты айқындалуы – қоғамдағы дәстүрлі құндылықтарды құқықтық деңгейде бекітудің көрінісі.
«Жаңа Конституцияда неке, отбасы, ана, әке және баланың мемлекет қорғауында екені нақты көрсетілген. Бұл – отбасы тек әлеуметтік ұғым емес, мемлекеттің қорғауындағы маңызды институт екенін білдіреді. Сондай-ақ отбасына қатысты кез келген заң мен шешім ең алдымен отбасы мүддесін ескере отырып қабылданады. Бала құқықтарын қорғау тетіктері күшейтіліп, қатыгездік пен зорлық-зомбылыққа жол бермеу нормалары нақтыланды. Мемлекет бала мүддесін бірінші орынға қоюға міндеттеледі», — деді ол.
Пікірлер (0)