Қазақстанда халықаралық ақындар PEN клубының филиалы ашылды

Қазақстан Жазушылар кітапханасында Халықаралық ақындар ПЕН-клубының Қазақстандағы филиалының ресми ашылуына арналған салтанатты жиын өтті,  деп хабарлайды JANABASTAU.KZ ақпарат агенттігі. 

"Бейбітшілік, бостандық және идея" – әлем ақындарын біріктіретін ПЕН-клубтың ұраны. Бұл – сөз еркіндігін, ақынның ар-ұжданын, ой мен идеяның бостандығын қорғауға бағытталған халықаралық қозғалыс.

Тайландта өткен құрылтайда Халықаралық ПЕН-клубтың жарғысы қабылданып, жаңа филиалдың басқарма құрамы бекітілді. Жарғымен жиналыс барысында ақын, аудармашы, шығыстанушы ғалым Дүкен Мәсімханұлы таныстырып, ұйымның басты мақсат-міндеттері туралы баяндады.

Қазақстандық филиалдың төрағасы болып Дүкен Мәсімханұлы сайланды.

Орынбасары – ақын, журналист Бауыржан Жақып,

Хатшысы – ақын, философ, “ТҮРКСОЙ” ұйымы бас хатшысының кеңесшісі Мұратхан Шоқан болып бекітілді.

Төраға орынбасарлары қатарына Қазақстан халқы Ассамблеясының мүшесі, ақын Вячеслав Вавилин енді.

Басқарма құрамына мына қаламгерлер кірді:

Әділғазы Қайырбеков, Мұрат Шаймаран, Жарас Сәрсек, Ерлан Жүніс, Саят Қамшыгер, Бақытгүл Бабаш, Ербол Бейілхан, Айгүл Жұмаділ, Камиль Анварович Мамукадз, Дәулетбек Байтұрсын, Бауыржан Қарағызұлы. 

Жиын барысында Халықаралық ПЕН-клуб төрағасының орынбасары Хуан Ячжоудың арнайы құттықтау хаты оқылды. Сонымен қатар, Қырғызстан Ұлттық Жазушылар одағының жауапты хатшысы Ырысгүл Зият пен Өзбекстан Жазушылар одағының мүшесі, ақын, публицист Фахриддин Ҳайиттың видеоқұттықтаулары көрсетілді.