Халықаралық жарыста батысқазақстандық оқушылар тоғызқұмалақтан алтын медаль қанжығалады

Батысқазақстандық оқушылар Рунымияда тоғызқұмалақтан ұйымдастырылған халықаралық жарыста топ жарды. Бұл туралы облыстық дене шынықтыру және спорт басқармасының баспасөз қызметі хабарлады. 

Сайыс қыркүйектің 5-і мен 7-сі аралығында өтті. Оның қорытындысы бойынша жас спортшылар 2 алтын, 2 күміс медаль қанжығалап, командалық есепте І-орын иеленді. 

Румынияда өткен додада Қазақстан, Румыния, Германия,Түркия, Италия, Болгария, Венгриядан 60-қа жуық спортшы бақ сынаған.

Халықаралық сайыста ерлер арасында алтын медальді Әбдрахман Текебай иеленді. Қыз балалар арасында алтын медальді Қарақат Сәлімғали, ал күміс медальді Ализа Ерниязова мен Айым Қонасова еншілеген.