«ADAM: Нартәуекел» – қазақша алғашқы толықметражды анимациялық фильм прокатқа шықты

Бүгіннен бастап еліміздің барлық кинотеатрларында отандық жаңа туынды – «ADAM: Нартәуекел» толықметражды анимациялық фильмі көрсетіле бастады,  деп хабарлайды JANABASTAU.KZ ақпарат агенттігі. 

Бұл – елімізде алғаш рет жеке қаржыға түсірілген, балаларға арналған қазақ тіліндегі анимациялық фильм. Бұған дейін «қазақша мультфильм жоқ» деген пікір айтылып жүрсе, енді отандық өнім бар екенін мақтанышпен айтуға болады. 

Картинаның негізгі мақсаты – жас көрермендерге ұлттық құндылықтарды дәріптеу, ерлік пен батылдыққа баулу.

Кинотеатрлардағы көрсетілімге баршаңызды шақырамыз. Балаларыңызды ертіп барып, қазақы рухтағы анимацияны бірге тамашалаңыздар!