«Адамды қорғауы керек»: Геннадий Головкин президент болуға үмітті

Геннадий Головкин World Boxing ұйымының президенті қызметіне кандидат болуға ниетті екенін айтты, деп хабарлайды JANABASTAU.KZ ақпарат агенттігі.

Francsjeux.com сайтының жазуынша, Геннадий Головкин рингке қайта оралады.

Бұл жолы оның мақсаты – медаль емес, World Boxing президенті лауазымы, – деп жазады сайт.

Боксшы бокс Олимпиада бағдарламасынан шығып қалу қаупі болғанын айтты.

Бокс Олимпиада бағдарламасынан шығып қалу қаупінде болды. Ал мен бұған қарап үнсіз тұра алмадым, – дейді қазақстандық аңыз боксшы.

Айтуынша, ол әлемдік боксқа үлес қосқысы келеді. Президент болуға үміті бар.

Біріншіден, спортшыларды тыңдай білуіміз және қорғауымыз керек. Екіншіден – федерация жұмысының ашықтығы. Біздің мақсат – боксты келесі Олимпиада ойындарына дейін күшейту. Инновациялар жауапты әрі прогрессивті болуы тиіс. Ең бастысы, адамды қорғауы керек. Технологиялар спортшыларға және әділдікке қызмет етуі тиіс, адамдарды алмастыру үшін емес, – дейді ол.

Бұған дейін Геннадий Головкин World Boxing президенттігіне өз кандидатурасын ұсынған еді.