Ақмола облысында өрт саны азайған

Жылыту маусымы басталғаннан бері облыс аумағында 16 өрт тіркелді – бұл өткен маусымға қарағанда айтарлықтай аз. Аталған бағыттағы алдын алу шаралары туралы баспасөз отырысында облыстық ТЖД басқарма бастығы Думан Далешов айтып берді, деп хабарлайды janabastau.kz өңірлік коммуникациялар қызметіне жасап.

Жыл сайын жылыту маусымының басталуымен тұрғын үй секторындағы өрттер санының күрт өсуі байқалады. Мұндай оқиғалардың негізгі себептері пештер мен электр жылыту құралдарын пайдалану кезінде өрт қауіпсіздігі ережелерінің бұзылуы болып табылады. Оқиғалар салдарынан адамдар мүлкін жоғалтып қана қоймай, көміртегі тотығымен уланудан жарақаттанып жатады. Кей жағдайларда адам шығыны да орын алады.  

Ағымдағы маусымда құтқарушылар электр құрылғыларының қысқа тұйықталуының 5 жағдайы мен 3 қоқыс өртінің алдын алды. Бұл шаралар ауыр залал келтіруі мүмкін үлкен өрттің болуына жол берген жоқ. Одан бөлек, тұрмыстық өрттердің санын азайту үшін белсенді профилактикалық жұмыстар жүргізілуде. Аталған жұмыстарға құтқарушылар да, жергілікті өзін-өзі басқару органдарының өкілдері де, полиция қызметкерлері мен еріктілер де қатысады. Олар халықпен үнемі түсіндірме әңгімелер өткізіп, өрт қауіпсіздігі ережелерін үйретуде. 

Қыс мезгіліне дайындықта әлеуметтік осал отбасыларды қолдау мақсатында еріктілермен бірлесіп ұйымдастырылған «Көмек қолы» акциясын ерекше атап өткен жөн. Облыстың барлық аймақтарында еріктілер аулаларды тазалауға, отын жинауға, көміртегі тотығы датчиктерін орнатуға, мұржаларды тазартуға және азық-түлік жиынтықтарын таратуға көмектесті. Акцияға 31 отбасы және қарттарға арналған бір пансионат қатысты. 

«Өрт қауіпсіздігі басқармасы мұндай отбасыларға тұрақты негізде көмек көрсетеді. Жалпы есепте 8783 отбасы тұр, олардың арасында көпбалалы, аз қамтылған, зейнеткерлер мен мүгедектер бар. Ағымдағы маусымда мыңға жуық көміртегі тотығы датчиктері орнатылды, ал болашақта тағы 9 мың құрылғы орнату жоспарлануда. 2017 жылдан бастап 10 мыңнан астам автономды датчиктер орнатылды, олар бірнеше рет адам өмірін сақтап қалды. Биылғы жылы Біржан сал ауданында датчиктің уақтылы іске қосылуының арқасында қарт адамдардан тұратын отбасы құтқарылды. Соңғы үш жылда көміртегі тотығы датчиктері облыстың әртүрлі аудандарында 30 адамды құтқарды», - деп атап өтті облыстық ТЖД басқарма бастығы Думан Далешов.

Сонымен қатар, құтқарушылар мен полиция бірлесе өрт сөндіру көліктерінің оқиға орнына өтуіне кедергі келтіретін заңсыз орнатылған құрылғыларды жою мақсатында жұмыс жүргізуде.

Құтқарушылар азаматтарға өрт қауіпсіздігі ережелерін сақтаудың маңыздылығын тағы да еске салды. 

«Маусым басталмас бұрын тұрғындар жылыту пештерінің жұмыс істеп тұрғанына көз жеткізуі керек: жарықтарды жөндеу, мұржаларды тазарту. Электр құрылғыларының дұрыс жұмыс істеуіне, желілердің шамадан тыс жүктелуіне және қолдан жасалған құрылғыларды пайдалануға жол бермеуге ерекше назар аудару керек. Балалардың қауіпсіздігін де есте ұстаған жөн – оларды жылыту құрылғыларымен және сіріңкелермен қараусыз қалдыруға болмайды. Осы қарапайым ережелерді сақтау өрттің қайғылы салдарын болдырмауға көмектеседі», - деп бөлісті спикер.