Астанада көші-қон заңнамасын бұзған 119 шетел азаматы ұсталды

Астанада көші-қон қызметінің қызметкерлері жергілікті рейдтік іс-шаралар жүргізіп, бірқатар заң бұзушылықты анықтады деп хабарлайды janabastau.kz Polisia.kz-ке сілтеме жасап. Пәтерлер, хостелдер, жатақханалар, құрылыс нысандары, өндірістік аймақтар мен базарлар тексерілді. Бір күн ішінде елордада елімізде болу тәртібін бұзған 119 шетелдік ұсталды. Шетелдіктердің интимдік қызмет көрсетуі бойынша 5 факті анықталды. Қоқыс өңдеу зауытының аумағында заңсыз жұмыс істеп жүрген Өзбекстанның 37 азаматы табылды. ІІМ көші-қон қызметі комитеті көші-қон заңнамасын сақтауға шақырады. Сондай-ақ уәкілетті органның тиісті рұқсатынсыз жұмыс берушінің шетелдікті бірнеше рет жұмысқа қабылдағаны және жұмыс берушінің шетелдік жұмыс күшін пайдалану қағидаларын бірнеше рет бұзғаны үшін қылмыстық жауаптылық туралы ескертеді.