Бүгін елімізде жалпыұлттық аза тұту күні

Мемлекет басшысы 29 қазанда елімізде жалпыұлттық аза тұту күнін жариялады деп хабарлайды Ақорданың баспасөз қызметі. Қасым-Жомарт Тоқаев қайғылы оқиға салдарынан қаза тапқан отбасылардың туған-туыстарымен және отбасыларымен кездесіп, көңіл айтты. Президент апаттың шығу салдарын анықтау, кеншілерді құтқару, зардап шеккендерге тиісті көмек көрсетуді баса айтты. Апат салдарынан зардап шеккендердің отбасыларына шұғыл көмек көрсету жөнінде қажетті шаралар қабылданатынын жеткізді.