Дарынды жастар марапатталды

Қалалық кітапхананың ұйымдастыруымен отбасы, еңбек және ұлттық құндылықтарды дәріптеу, еңбек адамына деген сый-құрметін арттыру, шығармашыл жастарды қолдау мақсатында “Мұзбалақ” шығармашыл жастар байқауы өтті. Байқауға жұмыстар эссе және поэзия бағыттары бойынша қабылданды. Ниет білдірушілерге «Тілге құрмет – елге құрмет», «Отбасы құндылықтары», «Еңбек – өмірдің ажары» деген тақырыптар ұсынылды. Нәтижесінде, поэзия бағыты бойынша 1 орынды Үсен Табысбек иеленді. 2 орынды Айымжан Жамалова, 3 орынды Дінжан Құсайын алды. Ұлдана Тленчиева эссе бағыты бойынша жеңіске жетсе, Балжан Канапияева 2 орынға, ал Тойгүл Аман мен Жұлдыз Сабирова 3 орынға ие болды. Оқушылар арасында Азия Елеужан жеңімпаз атанды. Жүлделі 2 орын Інжу Тілек пен Ақсәуле Асхатқызына бұйырды, ал 3 орынды Мадина Әбілқас пен Асиля Оралбек иеленді. Барлық жеңімпаздар мен қатысушылар дипломдармен, алғыс хаттармен және естелік сыйлықтармен марапатталды.

Динара НҰРАХМЕТ