Дауыл&дабыл: БҚО-да 16 мыңнан аса абонент жарықсыз қалды

Батыс Қазақстан облысында қолайсыз ауа райына байланысты үзілген электр желілерін қалпына келтіру жұмыстары жүргізіліп жатыр, деп хабарлайды JANABASTAU.KZ ақпарат агенттігі inform.kz-ке сілтеме жасап.

БҚО энергетика, тұрғын үй-коммуналдық шаруашылығы басқармасының мәліметінше, облыстың 5 ауданындағы 63 елді мекенде электр желілеріне зақым келген. Атап айтқанда, электр жарығы Жәнібек ауданындағы 12, Бөкей ордасындағы 18, Тасқаладағы 8, Казталовтағы 16, Бәйтеректегі 9 ауылда және Оралда сөнді.

Бүгін 15:00-дегі мәлімет бойынша, 16 мыңнан аса абонент жарықсыз қалған. Газбен қамту желілері бойынша жағдай тұрақты, ажырату болған жоқ.

Қазір Орал қаласындағы Зачаган кентінде жарық жоқ. Тұрғындар осыған алаңдаушылық білдіріп отыр.