Дін істері басқармасы интернет желісін бақылап отыр

Конфессияаралық келісімді қамтамасыз ету, деструктивті діни ағымдар кері ықпалының алдын алу, олардың жақтастарын оңалту, экстремизм мен терроризмге қарсы үгіт жүргізу - Ақмола облысы дін істері басқармасының басты міндеттерінің бірі, себебі бұл мекеме өңірдің діни қарым-қатынас саласындағы мемлекеттік саясатты іске асырады, діни субъектілердің заң талаптарын сақтауын қадағалайды. Басқарма басшысы Алмаз Мұқажановтың айтуынша, ведомство интернет желісін де бақылауда ұстайды. Мониторинг көрсеткендей, қазіргі уақытта облыстағы діни ахуал қалыпты. Айта кетейік, Ақмола облысында 195 діни ұйым мен 156 культтік нысан бар, облыс аумағында Польша, Филиппин, Ресей мен Германиядан келген 32 миссионер жұмыс істейді.