Қарапайым қазақстандықтар төлейтін салықтың қай түрі өзгереді

«Жеке тұлғалар үшін тосын ештеңе болмайды. Салық жүктемесі сол күйінде қалады деген жоспар бар. Мысалы, 2000 жылдары әлеуметтік салық жүктемесі 29% деңгейінде болса, қазір - 9%. Айлыққа салынатын жеке табыс салығы қайта қаралып жатыр», - деді Әлібек Қуантыров.

«Бірақ біз жеке табыс салығын саралауымыз мүмкін. Яғни, акциялар мен облигациялар, басқа да құнды қағаздар сияқты пассивті табыстың салығы көлеміне қарай өсіп отырады. Пассивті табыстың құны неғұрлым жоғары болса, салығы да жоғары болады. Мысалы, пассивті табыс құны 100-150 млн теңгеден артса, салық мөлшері 15% болады. 200 млн теңгеден жоғары болса, 20% деген сияқты. Яғни, мұның орта санаттағы азаматтарға қатысы жоқ», - деді ол брифингіде.