Қазақстан даму банкі белгілі олигархтар мен қалталылардың ықпалында ма? Министр жауап берді

13.02.24 сағат 02:46 Жаңалықтар

Үкімет отырысынан кейін өткен баспасөз брифингінде ұлттық экономика министрі Нұрлан Байбазаров Қазақстан даму банкінің не себепті жекенің банкіне айналғаны туралы жауап берді деп хабарлайды janabastau.kz. Бұған дейін мемлекет басшысы олигархтар еркін нарықтың дамуы мен еліміздің бәсекеге қабілеттілігін тежеп отқанын, ал Қазақстан даму банкін таңдаулылардың жеке банкіне айналып кеткенін айтып сынға алған еді. Екі жыл өтсе де бұл жағдай өзгеріссіз қалды.

Былтыр Қазақстан даму банкі сомасы 1-2 триллионнан асатын 45-тен астам жобаға қаржылай қолдау көрсетті. Бұл – Қазақстан даму банкі тарихындағы ең үздік көрсеткіштің бірі. Бұған дейін мұндай көрсеткіш болмаған. Банкке айтқан сыннан кейін тиісті жұмыстар жүргізілді. Қазір банктің қызметі ашық. Электрондық жүйелер арқылы өтінімдер келеді, – деді министр.