Қолдауға шағын гранттар беру конкурсына өтінімдер қабылдау басталды

«Zhas project» жобасы жастарға қоғамға пайдалы кез келген идеяларды іске асыруда қолдау көрсетеді. Бағдарлама жас ұрпақты тұрғылықты жерлердегі әлеуметтік-экономикалық өмірге тартуға, шалғайдағы елді мекендерге басымдық беруге бағытталған. Өтінім білдірушіге талаптар: – өтініш беруші Қазақстан Республикасының азаматы болуға тиіс; – өтінім берген кезде өтініш берушінің жасы 18-ден 35 жасқа дейін болуы тиіс; – өтінім беруші өтінім берген кезде өңір аумағында тұрақты немесе уақытша тіркелуі тиіс; – өтініш беруші өтінім берген сәтте уақытша тұрақсыз жастар мәртебесінде болуға тиіс. Конкурс шеңберінде 14 жеңімпаз айқындалатын болады, олар 1 млн теңгеге дейінгі сомаға шағын грант алады. 9 қазанда шағын гранттарға өтінімдерді қабылдау басталды. Өтінімдер 2023 жылдың 22 қазанына дейін қабылданады.