Ковидпен күреске бюджеттен 100 млрд теңге бөлінбек – Ажар Ғиният

ҚР Денсаулық сақтау министрі Ажар Ғиният биыл бюджеттен коронаирусқа қарсы күреске қанша қаржы бөлінетінін айтты. «Жалпы осы жылға коронавирус инфекциясымен күресуге 100 миллиард теңге бөлу болжанып отыр. Бұл қаржы вакцинаны алдыруға, науқастардың еміне және денсаулықтарын қауіпке тігіп, науқастармен тікелей жұмыс істеп жүрген медицина қызметкерлеріне байланысты есептелінді. Әрине алдыңғы жылмен салыстырғанда бұл қаражат алты есеге аз. Себебі былтыр науқастар саны көп болып, бос орындар саны азайды. Ал қазір жағдай былтырға қарағанда едәуір жақсарды. Әзірге биылғы жылға жоспарланған қаржының мөлшері осындай», деді министр. Министр қаражаттың қазіргі болжамдары бойынша жететінін, егер қыста және алдағы уақыттарда өршулер күшейетін болса, бюджет бағасын қайта қарастыруға мүмкіндік бар екенін айтты.