Назарбаев Ресейге кетті

Назарбаев Ресейге «көшеді»

Қазақстандық мүсінші Ербосын Мелдібековтың атышулы жұмысы енді Ресейдегі жеке «Garage» заманауи өнер музейіне тиесілі, деп хабарлайды JANABASTAU.KZ time.kz сайтына сілтеме жасап. 

Автор қуанышты – туындысы лайықты коллекцияға өтті, ал шеберханада көп орын босайды.

Еске салсақ, Мелдібеков 2022 жылғы қаңтар оқиғасы кезінде Талдықорғанда Назарбаевтың ескерткіші құлатылған сәтті кадр-кадрмен қайталап, құлаудың бес кезеңін бейнелейтін бес мүсін жасаған. Ол тарихи эпизодты баяулатқандай дәлдікпен қайталап көрсетті. «Автордың құлауы. 30 жыл және 3 секунд» деп аталған бұл серия алғаш рет 2024 жылы автордың жеке көрмесінде көрсетілгенде көрерменге үлкен әсер қалдырды.

Мүсінші жобаны жүзеге асыру үшін демеуші тапқан, кейін өз қаржысын да қосқан. Оның айтуынша, бұл жұмыс – араздық не кекесін емес, тағдырлы, шешуші сәтті құжаттық дәлдікпен бекіту талпынысы.

– Бұл хайп үшін жасалған дүние емес, – дейді Мелдібеков. – Бұл – өнер туралы. Әрине, қола емес, өйткені құны орасан болар еді. Материалдың өзі де заманды еске салады – мыс тақтайлардан чеканка, іші қуыс. Жұмыс беделді коллекцияға енгені маңызды. Ал маған да жақсы – шеберханадан орын босайды. Әрине, бұл жұмыс төңірегінде сөз көп болды. Айтайын, мінезім – орталықазиялық сақтыққа толы. Күндіз қорқатынмын, кешке батылданатынмын. Өзімді Александр Македонский сезініп, мұндай мүсіннің тууы қажет екенін түсінетінмін. Таңертең тұрып: «Мен не істеп қойдым?» деймін, ал кешке – қайтадан батылдық.

Ербосынның айтуынша, туындыны бірінші президенттің жақтастары, туыстары және оңтүстік өңірдің өкілдері жақтыра қоймаған, наразылықтарын да білдірген.

– Демек, эмоция тудыра алдым, – дейді автор. – Бұл стандартты ескерткіш пен сувенир жасағаннан артық.

Ксения Евдокименко, сурет: Тимофей Евдокименко, Алматы