Өзбек бапкері қазақ бокс мектебінің мықты екенін мойындады

Өзбекстан ұлттық құрамасының аға бапкері Рахматжон Рузияхунов World Boxing әлем чемпионатында Қазақстан құрамасымен бәсекелестік туралы айтты, деп хабарлайды JANABASTAU.KZ ақпарат агенттігі.

Бапкер ZBS Podcast YouTube-арнасында қазақ ұлттық құрамасының артықшылығын алға тартты.

Олардың бокс мектебі өте мықты. Қазақ боксы әрдайым жоғары деңгейде. Мен әрқашан айтып келемін, біз – Месси мен Роналду сияқтымыз. Әрдайым бір-бірімізбен бақталастамыз. Мұндай көрші елдердің болғаны – үлкен мүмкіндік. Біз олардан үйренеміз, олар бізден үйренеді. Сол еңбектің арқасында үлкен жетістіктерге жетіп жүрміз, – деді Рахматжон Рузияхунов.

Еске сала кетсек, бокстан биылғы әлем чемпионатында Қазақстан құрамасы жалпыкомандалық есепте көш бастап, 7 алтын медаль иеленген еді. Ал Өзбекстан боксшылары 6 алтын медаль иеленіп, 2-орынға жайғасқан болатын.