Астанада судья Әсел Досаева көлікті мас халде жүргізген

Астана қаласында азаматтық істер жөніндегі ауданаралық соттың судьясы Әсел Досаева мас халде көлік жүргізгені үшін ұсталды, деп хабарлайды JANABASTAU.KZ ақпарат агенттігі КазТАГ-қа сілтеме жасап.

Рейдтік іс-шара барысында патрульдік полиция қызметкерлері Mazda маркалы көлікті тоқтатқан. Сараптама нәтижесі бойынша жүргізушінің мас болғаны анықталды. Көлік коммуналдық тұраққа қойылды. Тексеріс жүргізіліп жатыр, – делінген хабарламада.

Астана қалалық полиция департаменті көлік құралын мас халде басқару заңды өрескел бұзу әрі айналадағы адамдардың өміріне қауіп төндіретін әрекет екенін ескертеді. Мұндай фактілер заң аясында қатаң түрде тоқтатылады.