Дрондар шабуылы: Қазандағы тұрғын үйге соққы видеоға жазылды

Екі дрон 21 желтоқсан күні таңертең сағат 07:50 шамасында Қазандағы 37 қабатты "Көгілдір аспан" тұрғын үй кешеніне соғылды, деп хабарлайды janabastau.kz тілшісі Baza Telegram-арнасына сілтеме жасап.

Алғашқы дрон үйге сағат 07:50-де соғылған, ал 50 минут өткеннен кейін екінші ұшқышсыз ұшу аппараты көпқабатты ғимаратқа шабуыл жасаған.

Дрондардың шабуылы бейнежазбаға түсіп қалған. Кадрларда дронның тұрғын үй кешеніне соғылып, жарылыс болғаны көрінеді. Тұрғын үй кешенінде үлкен өрт шыққан. Оқиға орнында жедел қызметтер жұмыс істеуде.

Тұрғындар баспалдақтар арқылы эвакуацияланып жатыр, себебі лифтілер жұмыс істемейді. Қазіргі уақытта зардап шеккендер туралы ақпарат жоқ.

Baza мәліметінше, қалада бірнеше ұшқышсыз ұшу аппараттарының құлау оқиғалары тіркелген.

Сонымен қатар, дрондар тағы екі тұрғын үйге — "Манхэттен" тұрғын үй кешені мен төрт қабатты көпқабатты үйге шабуыл жасағаны белгілі болды.