«Қойшы баланы» Жігер Ауыпбаевқа қарсы өнердегі әріптестері азғырған
90
Фотосурет: Caravan.kz
«Қойшы бала» лақап атымен танылған жас әнші Айдос Кәден өзіне продюсер болған Жігер Ауыпбаевпен арадағы қарым-қатынасын ашық айтты, деп хабарлайды JANABASTAU.KZ ақпарат агенттігі Massaget.kz сайтының Kezdesu YouTube-арнасына сілтеме жасап.
Негізі кешірмейтіндей, қатыгез, біреуге кек сақтап жүретін адам емес. Білемін ғой. Жігерден кетуге азғырғандар болды. Аттарын айтпай-ақ қояйын. Өнердегісі бар, туысқандарым бар. Туысқандарымнан бөлек, ортаға от салғандар көп болды. Мен ондаймен сыналып көрмегенмін, бірінші рет сыналдым, оны жеңіп шыға алмадым. Соған өкінемін, - деді Айдос Кәден.
Осы орайда оған «Қатеңді түсінген уақытта Жігер Ауыпбаевқа қайта неге бармадың?» деген сұрақ та қойылды.
Өзіме де ол сұрақты көп қоямын. Не үшін екенін білмеймін. Қазір де ренжулі шығар. Бірақ білмеймін, бара алмаймын. Ниеттенемін, бара алмаймын. Бұл ол кісіні жек көргеннен емес, - деп жауап берді жас әнші.
Пікірлер (0)