Қосшыда республикалық «Туған күніңмен, Қосшы!» Жайдарман ойыны өтті

Қосшы қаласында қала күніне орай республикалық деңгейдегі «Туған күніңмен, Қосшы!» атты Жайдарман ойыны өтті, деп хабарлайды JANABASTAU.KZ ақпарат агенттігі. 

Ойынның жүргізушісі – Жайдарман жобасының негізін қалаушы, танымал тележүргізуші Есен Елеукен. Оның сахнадағы шеберлігі кештің көркін арттыра түсті.

Әділ қазылар алқасында:

Ақерке Искандерова – «AMANAT» партиясы жанындағы «Жастар Рухы» жастар қанатының төрағасы. 

Дидар Бөлтірікұлы – Қосшы қалалық мәслихат депутаты, «Аружан Плаза» және «Хан Сарайы» ресторандарының басшысы. 

Ғалым Махамбет – Жайдарманның 2011 жылғы чемпионы («Аралас»). 

Бекзат Дүйсенов – Жайдарманның 2014 жылғы чемпионы («Ұлттық құрама»). 

Ақылбек Данабекұлы – Қосшы қалалық Қоғамдық мәдени-спорт кешенінің директоры, мәслихат депутаты. 

Командалар тартысы:

Сахнада 10 команда өнер көрсетті. Олардың қатарында Рудныйдан келген «Қарлығаштың құйрығы неге айыр?», Астананың «АБИБАС» және «SEIFULLIN», Тараздың «ОЮ» командалары, сондай-ақ Павлодардың «Чехов аялдамасы» және Қарағанды құрамасы бар.

Нәтижелер:

1 орын – «ОЮ» (Тараз). 

2 орын – «Қосшы құрамасы» және «SEIFULLIN» (Астана). 

3 орын – «АБИБАС» (Астана) және «Жуалы» (Жамбыл облысы). 

Арнайы номинациялар:

Үздік ойыншы – «Чехов аялдамасы» (Павлодар). 

Үздік ойыншы – «Қарағанды құрамасы». 

Айта кетейік, ойын барысында әр команда өздерінің тапқыр әзілдерімен көрерменге ерекше көңіл-күй сыйлады. Бұл кеш Қосшы қаласының мерекесіне ғана емес, күлкі мен тапқырлықты сүйетін барша көрерменге үлкен қуаныш болды.