Қосшыда сайлаушыларға арналған фотозоналар орнатылды

Қосшы қаласындағы барлық сайлау учаскелерінде дауыс берушілер үшін арнайы фотозоналар орнатылған,  деп хабарлайды JANABASTAU.KZ ақпарат агенттігі. 

Фотозоналар референдум күні азаматтардың белсенділігін арттыру, сондай-ақ маңызды қоғамдық-саяси оқиғаға деген қызығушылықты күшейту мақсатында ұйымдастырылды. Арнайы безендірілген орында дауыс беруге келген тұрғындар естелік суретке түсіп, тарихи сәтке маңыз бере алады. Фотозоналар келушілерге көтеріңкі көңіл-күй сыйлауда. Кез келген жақсы бастама қоғамның бірлігін нығайтып, ел өміріндегі маңызды шешімдерге тұрғындардың белсенді қатысуына ықпал етері сөзсіз. 

#Референдум2026