Ресей мен АҚШ өкілдерінің кездесуі қашан өтеді

Ресей мен АҚШ-тың салалық департаменттер басшылары деңгейіндегі кездесу алдағы екі апта ішінде өтеді, деп хабарлады РИА Новостиге берген сұхбатында Ресей Сыртқы істер министрінің орынбасары Сергей Рябков, деп жазды JANABASTAU.KZ. 

"Барлық мәселелерді кешенді түрде талқылау және жүйелі түрде пысықтау үшін қажетті келісім бар. Бізге бұл деңгейде америкалық тараптан кімнің кездесуге қатысатынын нақтылау қажет. Біз олардың дайын екенін растадық және бұл жұмысты мүмкіндігінше тезірек бастауға әзірміз. Сонымен қатар, орынбасарлар деңгейіндегі кездесуге дейін тиісті департаменттердің директорлары кеңесу үшін байланыс орнатады. Олардың кездесуі алдағы екі апта ішінде өтуі мүмкін", – деді Рябков.