Сайлау учаскелері алдында концерттік бағдарламалар ұйымдастырылды

Ақмола облысында республикалық референдум өтетін күні бірқатар сайлау учаскелерінің алдында концерттік бағдарламалар ұйымдастырылып, тұрғындар үшін ерекше мерекелік атмосфера қалыптасты. Бұл іс-шаралар көктемнің ең жарқын әрі мәні зор мерекелерінің бірі – Наурыз мейрамы қарсаңында өтіп жатқан «Наурызнама» онкүндігі аясында ұйымдастырылды, деп хабарлайды JANABASTAU.KZ ақпарат агенттігі.

Концерттік бағдарламалар Ерейментау ауданында, Ерейментау қаласындағы №415, №416, №417, №418, №419, №420 және №760 сайлау учаскелерінде өтті. Шығармашылық ұжымдар тұрғындарға арнап ән мен би нөмірлерін ұсынып, дауыс беруге келген азаматтарға көтеріңкі көңіл-күй сыйлады.

Мерекелік концерттер Жарқайың ауданында да ұйымдастырылды. Атап айтқанда, Гастелло ауылындағы №489, Костычево ауылындағы №494, Львовское ауылындағы №495, Пригородное ауылындағы №499, Пятигорское ауылындағы №500, Жаңадала ауылындағы №502 және Тасөткел ауылындағы №503 сайлау учаскелерінде концерттік бағдарламалар өтті.

Сонымен қатар, «Радуга» халықтық ұжымы белсенді азаматтық ұстаным танытып, №495 референдум учаскесіне ұжым болып келді. Ұжым мүшелері өз таңдауларын жасап, ел болашағына бейжай қарамайтындықтарын көрсетті. Белсенді өмірлік ұстаным, бірлік және маңызды қоғамдық оқиғаларға қатысу – «Радуга» ұжымын біріктіретін басты құндылықтардың бірі.

Мерекелік атмосфера Степногорск қаласында да кеңінен байқалды. Қаладағы барлық 33 сайлау учаскесінде концерттік бағдарламалар ұйымдастырылып, тұрғындарға ерекше көңіл-күй сыйлады.

Астрахан ауданында да №180, №186, №194, №196 және №162 сайлау учаскелерінің алдында концерттік бағдарламалар өтті. Тұрғындар мерекелік шараларды ерекше ықыласпен қабылдап, бір-бірін Наурыз мерекесімен құттықтап, көтеріңкі көңіл-күйде дауыс берді.

Осылайша, референдум күні азаматтардың азаматтық белсенділігімен қатар, ұлттық мәдениет пен дәстүрді дәріптеген мерекелік сипатқа ие болды. «Наурызнама» онкүндігі аясында ұйымдастырылған мұндай игі бастамалар қоғамдағы бірлік пен ынтымақты нығайтып, ұлттық құндылықтарға деген құрметті арттыра түседі.