Сайлау – саяси науқан

17.03.23 сағат 10:35 Сайлау

196

сайлау –саяси науқан

Парламент Мәжілісі мен барлық деңгейдегі мәслихат депутаттарының алдағы сайлауы – Қазақстан үшін маңызды оқиға және еліміздің қазіргі тарихындағы ең трансформациялық кезеңдердің бірі. Сыртқы істер министрінің орынбасары Роман Василенко елімізде аккредиттелген шетелдік дипломатиялық корпус өкілдерімен кезектен тыс сайлауға дайындық мәселелері бойынша кездесу ұйымдастырған болатын.

«Бұл сайлау – демократияны нығайту жолындағы тағы бір қадам. Қазақстан шын мәнінде жаңа мемлекетке айналды. Еліміз ауқымы мен деңгейі жағынан бірегей, жан-жақты саяси жаңғыруды бастан кешіп отыр. Ішкі және сыртқы сын-қатерлерге қарамастан, еліміз өте маңызды реформалар кешенін жүзеге асыра алды. Бұл Президент Қасым-Жомарт Тоқаев өзінің «Күшті Президент – ықпалды Парламент – есеп беретін Үкімет» формуласын дәйекті түрде ұстанатынын көрсетеді», - деді Роман Василенко. Оның айтуынша, ел басшылығының мемлекет пен қоғамның тұрақтылығы мен бірлігін сақтай отырып, үздіксіз прогресс пен оң өзгерістерді қамтамасыз етуде ниеті айқын әрі берік. Сайып келгенде, бұл сайлау инклюзивті және ауқымды реформаларды жүргізуге арналған жаңартылған демократиялық мандаттың арқасында ұлттық жаңғыруды жеделдетуге мүмкіндік береді. Сондай-ақ, Сыртқы істер министрінің орынбасары Қазақстан сайлауды ұлттық заңнама мен үздік халықаралық тәжірибелерге сәйкес өткізетіндігі туралы айтты. Еске салсақ, 19 наурызда өтетін Мәжіліс сайлауы барысын 793 шетелдік байқаушы қадағаламақ. Оның ішінде 131 байқаушы 41 шет мемлекеттен және 662 байқаушы 12 халықаралық ұйымнан болады.

Құрметті Қосшы қаласы және Тайтөбе ауылының тұрғындары мен қонақтары!

Тәуелсіз мемлекетіміздің қалыптасуымен бірге Наурыз мейрамы барлық қазақстандықтар үшін жалпы халықтық мерекеге айналды. Көктемнің осы бір шағында табиғат қана түлеп қоймай, қоғамның ынтымағы мен бірлігін, бейбітшілігі мен түсіністігін нығайтатын адам баласының да жан-дүниесі жаңғыра түседі. Наурыз – бұл тек көктемнің ғана емес, бұл ең әуелі ізгілік пен жақсылықтың мейрамы. Қазақстандағы барша ұлыстардың өкілдері бір-бірімен тату-тәтті, берекелі өмір сүріп жатыр. Әз Наурыздың адам баласын ізгілік пен сыйластыққа, ынтымаққа тәрбиелейтін тереңнен тартар ежелгі қасиетін бойымызға дарытуға, оны өз өміріміздің салтына айналдыруға міндеттіміз. Бәріңізді көктемнің жарқын мейрамы Әз Наурызбен шын жүректен құттықтаймын. Наурыз күні ойға алған барлық арман-мұраттарыңыз орындалып, үміттеріңіз ақталуға жазсын! Еліміз аман, жұртымыз тыныш болсын! Ұлыстың ұлы күні құтты болсын! Баршаңызды осынау мерекеге орай 21 наурыз күні сағат 11.00-де өтетін Ұлыстың Ұлы күніне арналған « Наурыз думан» атты мерекелік шараға шақырамыз. Ұлыс оң болсын, ақ мол болсын! Дендеріңізге саулық, отбасыларыңызға амандық тілеймін!

Қадірлі жерлестер!

Рамазан – он екі айдың сұлтаны, берекелі де кешірімі мол ай. Қасиетті айда адам баласы көбірек жақсылық жасап, ізгі амалдарды атқаруға тырысады. Ораза пендені тақуалыққа тәрбиелейді. Рамазан – Алланың мейірімі төгіліп, жұмақтың есігі айқара ашылатын, иманды күшейтуге мүмкіндік берілген берекелі ай. Бұл – Жаратушы Иеміздің ұлы сыйы әрі нығметі. Сауаптар еселеніп жазылатын айда жасалған қайырлы істің қайтарымы адам баласы үшін құпия-сыр. Тіпті, ауыз бекітушіге берілетін сый мен сауап, құрмет пен марапат пайғамбарлар мен періштелерге де белгісіз. Құдси хадисте Алла Тағала: «Ораза – тек Мен үшін. Оның сыйын (сауабын) Өзім ғана беремін...»,-деп оразаның қадірі мен қасиетін, мәні мен маңызын баяндаған. Шарапаты мен шапағаты мол айда сауап жинауға, ішкі дүниемізді тазартуға, Жаратушының разылығына бөленуге асығайық, ағайын! Өйткені, мұсылманның осы айда ұстаған оразасы, қосымша құлшылықтары, жасаған қайырымдылығы, барлық сауапты амалдары еселеніп жазылады. Оразаны рухани тұрғыдан сезінген жан Алланың теңдессіз сыйынан шет қалғысы келмейтіні сондықтан. Ораза – күндіз ішіп-жеуден өзін шектеу деген сөз емес. Рамазан – рухтың азығы, тәннің шипасы. Ораза жан мен тәнді рухани тазартатын үлкен сабыр мектебі. Аузы берік жандар әдеп білмес пенделердің өзіне жасаған кейбір оғаш іс-әрекеттерін көріп, тұрпайы сөздерін естісе де: «Мен оразамын», – деген бір ауыз сөзбен нәпсісіне тоқтау салып, сабыр сақтайды. Ал сабыр иесіне берілетін сый – жәннат. Баршамызды қасиетті рамазан айына аман-есен жеткізген Алла Тағалаға сансыз шүкірлер болсын. Сіздерді күллі мұсылман қауымы асыға күткен мүбәрак рамазан айының келуімен құттықтаймын! Құрметпен, Қосшы қаласының әкімі Гайдар Қабдоллаұлы Қасенов