Смартфон алып кірген: 400-ге жуық түлектің ҰБТ нәтижесі жойылды

Негізгі ҰБТ-2024 басталғалы бері 211 мың рет тест тапсырылып, 396 түлек ереже бұзған деп хабарлайды Janabastau.kz.

Ереже бұзғаны үшін 396 адамның нәтижесі жойылды. Атап айтқанда:

• смартфон, шпаргалка және басқа да тыйым салынған заттарды алып өту әрекеті салдарынан 267 талапкер тест тапсыру мүмкіндігінен айырылды;
• тестілеу кезінде ережелерді бұзғаны үшін аудиториядан 120 адам шығарылды;
• бейнежазбаларды тексеруден соң ереже бұзған 9 адамның нәтижесі жойылды;
• бөгде тұлғалар анықталған жоқ.

Тестке қатысушылардың басым бөлігі, атап айтқанда, 18%-ы «математика-физика», 16%-ы «биология-химия» пәндер комбинациясын тапсырды. 15%-ы «шығармашылық емтихан» комбинациясын таңдаған.