Шоқыну мерекесі: қандай сақтық шараларын есте ұстаған жөн

Ақмола облысында дәстүрлі Шоқыну мерекесінде суға шомылуға арналған 41 ресми орын дайындалды. Жергілікті және төтенше жағдайлар органдары тұрғындардың қауіпсіздігі үшін барлық қажетті шараларды қарастырды. Бұл туралы Ақмола облысы орыс қоғамдастығының төрағасы Александр Артеменко, Көкшетау және Ақмола епархиясының діни қызметкері, епархия басқармасының хатшысы Валерий Анферов және ТЖ басқармасының орынбасары Диас Әмірханов брифингте мәлім етті, деп хабарлайды JANABASTAU.KZ Өңірлік коммуникациялар қызметіне сілтеме жасап. 

Жыл сайын 18 мен 19 қаңтар аралығында облыста шомылу рәсіміне арналған іс-шаралар өткізіледі. Қыстың суық кезінде де бұл дәстүрлі шараға жыл сайын 18 мыңнан астам ақмолалық қатысады. Іс-шараларды ұйымдастырушылар жергілікті атқарушы органдармен бірге дайындық жұмыстарын жүргізуде. 

«Облыс бойынша 41 ресми шомылу орны дайындалады. Бұл орындар Көкшетау, Бурабай, Зеренді және басқа да аудандарда орналасады. Әрбір шомылу орны жылыту пункттерімен, киіну палаталарымен және құтқару құралдарымен жабдықталады. Төтенше жағдайлар департаментінің, полиция мен медицина қызметкерлерінің мамандары шомылу орындарында кезекшілік атқарады. Барлығы 200-ден астам адам мен 63 техника бірлігі жұмылдырылады. Адамдарды судағы қауіпсіздік ережелерімен таныстыруға ерекше көңіл бөлінеді», - деп атап өтті ТЖ басқармасының орынбасары Диас Әмірханов.

Шомылу орындарындағы мұздың қалыңдығы 25 см-ден кем болмауы тиіс. Прорубтер қоршаулармен, ағаш қоршамалармен, төсеніштермен және құтқару құралдарымен жабдықталады. Шомылу тек арнайы дайындалған орындарда ғана жүргізілуі қажет. Егер шомылу орындары белгіленген жерлерден тыс болса, құқық бұзушыларға 7 айлық есептік көрсеткіш мөлшерінде айыппұл салынады.

Спиикерлер шомылуға кірер алдында денені жылытып, тайғақ емес аяқ киім кию қажеттігін айтты. Суға шамамен бір минуттан артық бармау ұсынылады. Шомылудан кейін ағзаны тез арада ыстық шай ішіп, құрғақ киіммен жылыту керек.

Дәрігерлер мұзды суға шомылу үшін жүрек-қан тамырлары, эндокриндік және жүйке жүйесі, тыныс алу органдарының аурулары бар адамдарға шомылуға болмайтынын ескертеді.

Діни қызметкердің айтуынша Көкшетауда су рәсімі екі храмда өтеді. Воскресение Христово кафедралды шіркеуінде су тек келушілер әкелген ыдыстарда ғана қасиеттеледі. Михаило-Архангельский храмында қасиетті су халыққа таратылады. Су қасиеттеу рәсімдері 18 қаңтарда сағат 17:00-де және 19 қаңтарда сағат 7:30-да өтеді. Шомылу рәсімі Көкшетауда архиепископ Серапионның қатысуымен 18 қаңтарда сағат 21:00-де басталып, 19 қаңтарда сағат 21:00-де аяқталады.

Өңір тұрғындарына қауіпсіздік шараларын сақтап, рәсімдерге қатысуға денсаулық пен қауіпсіздік тұрғысынан жауапкершілікпен қарау ұсынылады.