Шымкентте оқу-жаттығу кезінде граната жарылды: бірнеше курсант жарақат алды

Шымкентте оқу-жаттығу кезінде граната жарылып кетті. Салдарынан  бірнеше курсант жарақат алды, деп хабарлайды  janabastau.kz KYN.KZ-ке сілтеме жасап.

Әлеуметтік желілерде Шымкенттегі Бауыржан Момышұлы атындағы оқу орталығында полицейлер оқу-жаттығу өткізіп жатқаны туралы ақпарат шыққан болатын.

Бұл ақпаратты қалалық полиция департаментінің баспасөз қызметі растады.

"Бұл факті жоспарлы оқу-жаттығу шаралары кезінде орын алған. Оқиғаның барлық мән-жайын анықтау мақсатында тергеу амалдары жүргізілуде", – деп хабарлады Шымкент қалалық ішкі істер департаментінің баспасөз қызметі.

Белгілі болғандай, екі курсант әлі ауруханада жатыр.

"Қазіргі уақытта екі курсант медициналық мекемеде емделіп жатыр, олардың жағдайы тұрақты", – делінген хабарламада.