Үкіммен келіспеген ер адам сот кезінде суицид жасамақ болды

Атырауда 40 жастағы ер адам сот үкімі жарияланғаннан кейін өзін кеңсе пышағымен тіліп тастады, деп хабарлайды Janabastau.kz.

Желіде оқиғаның видео кадрлары тарап кетті. Видеодан сотталушы үкіммен келіспегендіктен осындай қадамға барғанын байқауға болады.

Ол ҚР ҚК 608-бабы (көлік құралын алкогольдік, есірткілік және (немесе) уытқұмарлық масаң күйде басқару) бойынша кінәлі деп танылып, 1,5 жылға бас бостандығынан айырылды.

Сот шешімімен келіспеген ер адам өзін-өзі кеңсе пышағымен жарақаттаған. Полиция ҚР ҚК 105-бабы бойынша тергеуді бастады (суицидке дейін жеткізу).

"Мен шаршадым. Мені қайта-қайта тұтқындады. Мен шыққаныма бір жарым ай болды. Ешқандай әділеттілік жоқ, мен өзімді өлтіремін", - деді ол.

Бұл шынымен де ер адамның алғашқы соттылығы емес екені анықталды. Ол сондай-ақ бұрынғы әйелімен ажырасу кезінде ҚР ҚК-нің 389-бабы бойынша жауапкершілікке тартылған екен.