"Жансыз денелері бір-бірін құшақтап жатқан күйі табылды": танымал шаңғышы сүйіктісімен бірге таудан құлап қаза тапты

Италиялық шаңғышы Жан Даниэль Пессион мен оның сүйіктісі Элиза Арлиан таудан құлап қаза тапты. Бұл туралы Janabastau.kz The Mirror басылымына сілтеме жасап хабарлайды.

Дереккөздің жазуынша, шаңғы спортынан әлем кубогінің қатысушысы Жан Даниэль Пессион мен оның сүйіктісі Элиза Арлиан Италиядағы Цербион тауына шыққан. Олар үйге оралмаған соң, отбасылары алаңдап, құтқарушылардың көмегіне жүгінген. Кейін үш тікұшақ, тау-кен құтқару, полиция және өрт сөндіру бригадалары жұмылдырылған.

"Екеуінің жансыз денелері бір-бірін құшақтап жатқан күйі табылды. Олар дәрігерлер келгенше қайтыс болып кеткен. Екеуі шамамен 2200 фут (700 метр) биіктіктен құлады деп болжанып отыр. Бірақ қайғылы жағдайға не себеп болғаны белгісіз", - деп жазады басылым.

Пессион шаңғымен сырғанау бойынша 2021 жылғы әлем кубогының турнир кестесінде 15-орын алған. Сонымен қатар италиялық спортшы 2022 жылы өткен әлем чемпионатында үздік 25 шаңғышының қатарына кірді.