Алматыда жер сілкінді: қала әкімдігі халыққа үндеу жасады

Алматы қаласындағы жер сілкінісіне байланысты әкімдік мәлімдеме жасады, деп хабарлайды JANABASTAU.KZ ақпарат агенттігі.

Бүгін қала тұрғындары Қытай аумағында болған жер сілкінісінің дүмпуін сезді.

Бүгін Астана уақытымен 12:44-те ТЖМ-нің сейсмикалық стансалары жер сілкінісін тіркеді. Эпицентр Алматыдан оңтүстік-шығысқа қарай 277 км қашықтықта, Қытай аумағында, 5 км тереңдікте орналасқан. Оның магнитудасы MPV 6,7 құрады.

Алматыда дүмпулер MSK-64 шкаласы бойынша 3 балл деңгейінде сезілді.

Барлық ескерту жүйесі штаттық режимде жұмыс істеді: тұрғындарға Mass Alert арқылы хабарламалар келді, қала сиреналары, сауда орталықтары мен қоғамдық орындарда дауыстық ескертулер болды, эвакуация жүргізілді. Алгоритм бойынша адамдар ғимараттарды тастап, көшеге шықты, – деп хабарлады Алматы қаласы әкімдігінің баспасөз қызметі.

Мегаполис билігі тұрғындар мен қонақтарға сабыр сақтап, құтқару қызметтерінің нұсқауларын орындауды сұрады.