Ақ үйдегі айғай-шу: Зеленский есікті тарс жауып кетіп қалды...

Украина президенті Владимир Зеленский Ақ үйдегі кездесу аяқталмай жатып кетіп қалды, деп хабарлайды JANABASTAU.KZ

Дональд Трамппен арадағы ашық жанжалдан кейін жоспарланған баспасөз конференциясы да өтпейтін болды.

АҚШ президенті  Дональд Трамп бұған қатысты пікір білдірді:

«Бүгін Ақ үйде өте маңызды әрі мазмұнды кездесу өтті. Осындай қысым мен эмоцияға толы әңгімеде көп нәрсенің беті ашылады екен. Менің бір ұққаным – президент Зеленский Американың қатысуымен өтетін келіссөзге дайын емес. Себебі ол АҚШ-тың көмегін пайдаланып, өзіне тиімді шарттар қойғысы келеді. Ал маған тиімділік емес, бейбітшілік керек. Зеленский АҚШ-қа, біздің киелі сопақ кабинетімізге құрметсіздік көрсетті. Ол бейбіт келісімге дайын болған кезде ғана қайта орала алады», – деді Трамп.