Ақмола облысында сумен толық қамтамасыз ету бағытында ауқымды жұмыс жүргізілуде

Ақмола облысында барлық тұрғындарды сапалы ауыз сумен қамтамасыз ету бағдарламасын белсенді іске асыру жалғасуда. Бүгінгі таңда қалаларда сумен қамтамасыз ету деңгейі 99%-ды, ал ауылдық жерлерде – 96,6%-ды құрайды. Мемлекет басшысының тапсырмасына сәйкес, биыл бұл көрсеткіш 100%-ға жеткізіліп, облыс тұрғындарының барлығы сумен қамтамасыз етіледі деп жоспарлануда.

Бағдарламаны қалаларда аяқтау үшін биыл бірқатар маңызды жобалар іске асырылады. Көкшетауда (Станционный кентінде), Қосшыда (төртінші кезең), Макинск және Ерейментауда су құбыр желілерін салу жұмыстары аяқталуда. Аталған жұмыстарға республикалық бюджеттен 1,7 млрд теңге және облыстық бюджеттен 839 млн теңге бөлінген. 

«Ауылдық елді мекендерге де ерекше көңіл бөлінді. Биыл облыстың 37 ауылында, соның ішінде Ақкөл, Атбасар, Бурабай, Біржан сал, Ерейментау, Есіл, Жарқайың, Зеренді, Қорғалжын, Сандықтау және Целиноград аудандарында, сондай-ақ Қосшы және Степногорск қалаларында жаңа су құбыр желілерін салу басталады. Сондай-ақ, тұрғындар саны аз елді мекендер үшін заманауи кешенді блок-модульді су тазалау қондырғыларын  орнату көзделген. Бұл шаралардың қорытындысы бойынша 12 мыңнан астам адам таза ауыз суға қол жеткізеді, ал облыста сумен қамтамасыз ету деңгейі 100%-ға жетеді», - деп атап өтуде Ақмола облысының энергетика және ТҮКШ басқармасы. 

Қолданыстағы инфрақұрылымды жаңарту мен реконструкциялауға ерекше назар аударылуда. Қазіргі уақытта су құбыр желілерінің тозуы 50%-ды, ал су ағызу жүйелерінің тозуы 56%-ды құрайды.   

Биыл облыста сумен жабдықтау және су ағызу желілерін жаңартуға бағытталған 17 млрд теңгеге 70 ірі жоба іске асырылуда. Нәтижесінде 45-ке жуық жоба аяқталып, 400 шақырымнан астам желі реконструкцияланады деп күтілуде, бұл коммуникациялардың тозуын азайтып, сенімділігін едәуір арттырады.  

Жұмыстар жеделдетілген қарқынмен жүргізілуде және жақын арада Ақмола облысының тұрғындары сумен жабдықтау жүйесіндегі елеулі жақсарулардың сезіне алады.