Ақтау тұрғыны досын пышақтап тастады

Ақтауда ер адам досына пышақ жарақатын салды, деп хабарлайды JANABASTAU.KZ ақпарат агенттігі.

Маңғыстау облыстық полиция департаментінің мәліметінше, оқиға 2-ші шағын аудандағы №46 үйде болған.

Алкогольді ішімдік ішкен екі дос жанжалдасып қалған. Салдарынан бірі екіншісінің жамбасына пышақ салған, - дейді полицияда.

Зардап шеккен ер адам емделіп жатыр. Бірақ ол өзіне пышақ салған досының үстінен арыз жазудан бас тартқан.

Алайда оқиға фактісі бойынша қылмыстық іс қозғалды, дейді Маңғыстау полициясы.