Астана әуежайына қатысты тергеу басталды

Астана әуежайына жанармай бағасын негізсіз қымбаттатты деген айыппен тергеу басталды

«Нұрсұлтан Назарбаев халықаралық әуежайы» АҚ-на қатысты ұшақтарға жанармай құю құнын негізсіз көтеру фактісі бойынша тергеу жүргізілуде, деп хабарлайды janabastau.kz ақпарат агенттігі  ҚазТАГ-қа сілтеме жасап.

Астанадағы Бәсекелестікті қорғау және дамыту агенттігінің департаменті мәліметінше, Кәсіпкерлік кодекстің 224-бабына сәйкес тергеу қорытындысының жобасы компанияға 30 күн бұрын жіберілген. Бұл құжат алдын ала танысу және қарсылықтар мен түсініктемелер беру үшін жолданғанын атап өтті.

«Қорытынды баға тергеу аяқталғаннан кейін беріледі», – делінген ресми жауапта.

Еске сала кетейік, 17 қыркүйекте Астана әуежайына жанармай бағасын заңсыз көтерді деген айып тағылғаны хабарланған болатын.