Астана - Екатеринбург бағытындағы рейстер тоқтады

Qazaq Air Астана-Екатеринбург бағыты бойынша әуе рейстерін уақытша тоқтатты, деп хабарлайды janabastau.kz.

28 желтоқсан мен 2025 жылғы 27 қаңтар аралығында Астана-Екатеринбург бағыты бойынша әуе рейстері ұшпайды. Бұл шешім Ресейге ұшу тәуекелдері бағаланғаннан кейін қабылданды. Яғни жолаушылар мен экипаж мүшелерінің қауіпсіздігін қамтамасыз ету мақсатында рейстер тоқтатылды.

Бірақ QAZAQ AIR Омбы мен Новосібірге рейстерді орындауды жалғастырады.

«Тоқтатылған рейстердің жолаушыларына әуебилеттерінің толық құнын қайтару қамтамасыз етіледі және әуекомпанияның баламалы рейстеріне тегін қайта брондау ұсынылады», делінген әуекомпанияның хабарламасында.