Астанада төрт автобустың қозғалыс кестесі өзгереді

Астанада 8 сәуірден бастап төрт маршруттық автобустың қозғалыс кестесі өзгереді, деп хабарлайды Jańa Bastau газеті City Transportation Systems сайтына сілтеме жасап. «Жол қозғалысы қауіпсіздігін қамтамасыз ету және авариялық жағдайлардың алдын алу мақсатында, аялдама пунктінен шығудағы, сондай-ақ төрт жолақты жол төсемі кезінде солға бұрылыста қайта тұру кезіндегі қиындыққа байланысты, Тұран даңғылының бойында (Қорғалжын тас жолы бағытында) орналасқан Keruen City СОО аялдама пункті 2023 жылғы 8 сәуірден бастап №35, 300, 305, 312 бағдарлардың қозғалыс схемасынан алып тасталады», делінген хабарламада. Компания жолаушылардан мұқият болуды және өз бағдарларын алдын ала жоспарлауды өтінді.