Астанадағы алапат өртті 100 адам сөндіріп жатыр (ВИДЕО)

Елорда өрт сөндірушілері Сарыарқа ауданындағы Ықылас Дүкенұлы көшесінде орналасқан үш қабатты ғимаратта шыққан өртті сөндіріп жатыр, деп хабарлайды JANABASTAU.KZ ақпарат агенттігі Төтенше жағдайлар министрлігінің ресми Telegram-арнасына сілтеме жасап.

Хабарламаға сәйкес, құтқарушылар күшейтілген шақыру деңгейі бойынша жұмыс істеп жатыр.

Оқиға орнында өрт сөндіру штабы құрылды, 100 жеке құрам қызметкері және 24 техника жұмылдырылды, – деп мәлімдеді ТЖМ.

Ғимарат ашық жалынмен жанып, шатырдың бір бөлігі опырылып түскен. 112 нөміріне зардап шеккендер туралы ақпарат түспеген.

Сағат 12:25-те ТЖМ өрттің 800 шаршы метр аумақта толықтай сөндірілгенін хабарлады.